Edebiyat ve Kültür Platformu
Ğem Yüki Üstime Ağırlıq Salıp
غم یوکی اوستیمه آغیرلیق سالیپ
طاقتیم یوخ دورام ایاغا منیم
چرشنبه آخشامی هیأت وقتینه
تلسیر اوره گیم آی آغا منیم
⚘⚘⚘⚘⚘⚘
آخشام اولار هامی گلر هیأته
باشلانار صحبتلر بخشش رحمته
⚘⚘⚘⚘⚘⚘
ارزنده سخنلر بیان اولونور
یاخشی مسئله لر عيان اولونور
⚘⚘⚘⚘⚘⚘
باشلانار اوّلده مجلس قرآن
بسم الله دئييلر اوخونار الآن
⚘⚘⚘⚘⚘⚘
خلاق عالمدن يتشر فرمان
نماز قيل اوروج دوت زكات وئر اينان
⚘⚘⚘⚘⚘⚘
بو فاني دنيايه آللانما بشر
زندگانلوقدا وار خير ايشيله شر
دوز يولدان كج اولیپ مشكله دوشسون
چاغور ياراداني داده یئتیشر
⚘⚘⚘⚘⚘⚘
هامي باشلار بير بير اوخور قرآني
آچيلار انسانين روح ورواني
چاغيرار اوركدن حي سبحاني
نه مشكلون اولسا اولا درماني
⚘⚘⚘⚘⚘⚘⚘
ختم اولونار قرآن باشلانار دعا
قوزانار مجلسدن نغمه ي عزا
⚘⚘⚘⚘⚘⚘⚘
سبوحٌ قدوسٌ سسي اوجالار
عزا زمزمه سي مجلسي آلار
⚘⚘⚘⚘⚘⚘
اهل مجلس گوزيندن ياش النر
يا حسين سسلنوب روح تزه لنر
⚘⚘⚘⚘⚘⚘
اني سلمٌ سسي مجلسي آلار
هامي كس اوركدن حقه يالوارار
⚘⚘⚘⚘⚘⚘
دئیربخشنده سن عفوائت گناهي
قوما درگاهوندان بو روسياهي .
⚘⚘⚘⚘⚘⚘
بعض گونلر مجلسده اولار تعزيه
داغيلار نسخه لر هامي مُعزّيه
⚘⚘⚘⚘⚘⚘
گلنده مجلسه شبيهين سسي
باشلانار عزا وغم زمزمه سي
آقا رضا اوخور عباس نسخه سي
عبداللّه نين گلر حزيندن سسي
⚘⚘⚘⚘⚘⚘
آقاي شهبازينين زينب اولماقي
حاج حيدرين هل من ناصر دئماقي
آقاي افشارين نوحه اوخوماقي
هيأت مجمعنين سينه ورماقي
⚘⚘⚘⚘⚘⚘
فيليم تكين مجسّم دور گوزيمده
الهام آليب دانيشيقيم سوزومده
⚘⚘⚘⚘⚘⚘
كالبايي ابوالفضل مصيبتينن
داش اولسا آغلادار ياغلي سسينن
⚘⚘⚘⚘⚘⚘
خوش لحنيله رضا اوخور قرآني
بوروير رحمت حق ماسواني
سوروشاللار آقا رسول بس هاني
دئير گلممدي گلمیش مهماني
⚘⚘⚘⚘⚘⚘
آقا حسين دانيشار خاشعانه
كالبا نصرت عاشق ختم قرآنه
⚘⚘⚘⚘⚘⚘
آقا سيد باشلار سفره دعاسين
ايستيير خدادن مريض شفاسين
⚘⚘⚘⚘⚘⚘
دئير خدا يئتير قرضدار قرضين
بار الها ائشيد فقيرلر عرضين
⚘⚘⚘⚘⚘⚘
خداوندا بو هيأته قيل نظر
آپار اوركلردن غميله كدر
⚘⚘⚘⚘⚘⚘
اولادسیزلاری هئچ ياددان چخارتماز
کار کاسیبی هیچ دعاده اونوتماز
⚘⚘⚘⚘⚘⚘⚘
صونرا تمام ايدوب فاتحه دئير
صاحب مجلسدن تشكّر ايدر
⚘⚘⚘⚘⚘⚘
بير حمد بير قل هوالله اوخونار
تمام اولوب مجلس مردم داغيلار
⚘⚘⚘⚘⚘⚘
يازان : فرامرز عبداله پور
درتاريخ 1384/12/12 هجري شمسي
⚘⚘⚘⚘⚘⚘
Ğem Yüki Üstime Ağırlıq Salıp başlıklı yazı faramarz-abdollahpur tarafından
21.06.2024 tarihinde sitemize eklenmiştir.
Sitemizde yayınlanan eserlerin hukuki sorumluluğu, kullanılan materyaller ve yazının içeriği yazarlarına aittir.
İzin alınmadan kaynak gösterilse bile sayfamızdaki eserler başka yerde yayınlanamaz.
Eserlerin izin alınmadan kopyalanması ve kullanılması 5846 sayılı Fikir ve Sanat Eserleri Yasasına göre suçtur.
- Yorumlar 0
- Yorum Yaz
- Tebrikler
- Beğenenler
- Popüler Yazıları
Yükleniyor...
Yorum yazmak için giriş yapın.