Bakı Tebriz

Elnur Rəsuloğlu (Əliyev)

Şimal, cənub - vətən birdir.

Birləşsə, tən və tən birdir.

Uzaq, ayrı yaşayıblar

Çox illəri Bakı-Təbriz.

Qəlblərində daşıyıblar

Nisgilləri Bakı-Təbriz.

Kaş Gülüstan dağılaydı.

Həmin sənəd cırılaydı.

Bölənlərin qırılaydı

Nəsilləri, Bakı-Təbriz.

Sərhəd olub Araz çayı.

Vətən olub qəm sarayı.

Sərt görüblər qışı, yayı,

Fəsilləri Bakı-Təbriz.

Qadağandır dili, yazı.

Cinayətdir bu ən azı.

Saya bilməz çox narazı

Səfilləri Bakı-Təbriz.

Qədrin bilin doğruların.

Vurun vətən oğruların.

Sökün sərhəd qurğuların,

Məftilləri, Bakı-Təbriz!