Ali Ağa Vâhidin Fırsat Olanda Şiiri

،ديندير منى ھردن، گؤزەليم، فرصت اولاندا

وصلين بيزه بير آن، نه اولار، قسمت اولاندا؟

،باخ، گؤر منى زولفون نه پريشانليغا سالدى

.بير گون آچارام درديمى جمعيت اولاندا

،يوزلرجه جفا ائتسن، اۇنوتماز سنى كؤنلوم

.فيكريمدەسن، اى گول، يئنه هر صحبت اولاندا

،بيگانه اگر اولماسا، تئز وصله يئترديك

كيم خئير گؤروب، دوشمنى كم فرصت اولاندا؟

،زولفون كى، توتوب رۇيونو، چوخ قورخورام اوندان

.عالم توخونار بير - بيرينه ظلمت اولاندا

،كؤنلوم نئجه سنسيز، گؤزەليم، نالەسيز اولسون

بولبول دايانارمى گولونه حسرت اولاندا؟

،واحد، هله قارشيندا بؤيوك بير گلەجك وار

!دونيا بيزه لذت وئرەجك جنت اولاندا