Sevmenin Zamanı Yok

Sevməyin zamanı olmur, əzizim…. 

Sevgi oyun deyil, sevgi seçimdir…

Sevgi hər ürəkdə  fərqli biçimdir… 

Harda yazılıb ki gənclər üçündür?

Sevməyin zamanı olmur, əzizim….

Yaş neçə olsa da  fərq etməz ona,

Gəldisə bir günəş doğar dünyana,

Xoşbəxt hiss edərsən dursan yan-yana,

Sevməyin zamanı olmur, əzizim….

Bəzən gələr səni illər əyəndə,

Saçına qocalıq qar ələyəndə ,

Səndən soruşmaz ki qapı döyəndə,

Sevməyin zamanı olmur, əzizim…

Sevgi demək deyil ehtiras, şəhvət..

Sevgi məsumluqdur, saf bir məhəbbət…

Sevgi anlayışdır… ömürlük hörmət…

Sevməyin zamanı olmur, əzizim….

Bədən qocalsa da qocalmır ürək, 

Rəvamı  çağlayan qəlbi söndürək?!

Hamı bircə bunu anlasın gərək, 

Sevməyin zamanı olmur, əzizim… 

Harda- nerede

Üçün- için

Neçə-kaç

Xoşbəxt-mutlu 

Qocalıq-yaşlılık

Qəlb-kalp

Hamı-her kes