Cinas

Köçhaköç düşəndə keşikdə gözlər,

Sərçələr bir nazik budağda qışlar.

O dağda quraqlıq olsa, sərt keçər,

Şaxta adam kəsər bu dağda qışlar.

Ətəyin ocaqlar, başın adağlar,

Göylərə baş çəkir, başın, a dağlar.

Yar çəkib bağrımın başına dağlar, 

O dağda dincələr, bu dağda qışlar.

Hikmət, azad da sən, qıfıllanan da,

İşarə ver dilin qıfıllananda. 

İnsan altdan-üstdən qıfıllananda, 

Soyunar əynini budağ da qışlar.