Pərim! (Qoşma)

Pərim! (qoşma)

Gedərəm özümdən, getmə gözümdən, 

Olum gözlərinə sadağa, pərim!

Dişlərin muncuqdu, ləblərin qəndi,

Nə söz deyim ol ay qabağa, pərim!

Nar sinən üstündə bol görükərmiş,

Halın halımızdan hal görükərmiş.

O dağdan bu dağa yol görükərmiş,

Qalxıb bu dağdan da o dağa, pərim!

Şaham dörd tərəfə əmrim işləsin,

Atım şaxə qalxsın, yeli döşləsin.

Bəri dayan, bir öpsün, bir dişləsin,

Qoyma Qul Hikmətə qadağa, pərim!

Hikmət Carçılı ORHUN

.