Saxlayıram

Sinəmdə sol yanım sənin yerindi, 

Dilimdə bir nalə, “kaş” saxlayıram…

Baharın üzünə həsrətəm indi, 

İllərdi ömrümü qış saxlayıram….

Qürur eşqə təslim olmasın deyə, 

Gözümü sıxıram dolmasın deyə…

Ancaq məhəbbətim solmasın deyə, 

Mən onun dibini yaş saxlayıram…

Etdin.. nələr etdin… nə qədər etdin…

O qədər illəri sən hədər etdin…

Şeytantək ruhumu dərbədər etdin,

Səninçün cibimdə  daş saxlayıram…

Gedəndə canımdan sən can almısan,

Məni bir tanınmaz  hala salmısan((

Demə ki yaxşısan yaxşı qalmısan 

Birtəhər dözürəm , baş saxlayıram…

Gəl mənim sevgimi gətirmə dilə,

Kimsə sevə bilməz mənimtək, belə…

Bir gün qayıdarsan ümidi ilə

Hələ də ürəyi  boş saxlayıram…

Dr.İlhamə Müslümova