Olur..

Mən neyləyim… həmişə

Qismətimdə göz olur,

Hər uğurun sonunda 

On düşmənim yüz olur ))

Hamını yoxlayıram,

Dostu qucaqlayıram…

Məsafə saxlayıram, 

Danışmağa üz olur…

Sözüm qəlbə dəyərsə, 

Ağlım məni söyərsə ,

Niyə etdin deyərsə

Ürəyim köz-köz olur…

Xırdalayıb üyütsəm…

Olanları böyütsəm… 

Etmirəm ki… gər etsəm

Aralıqda söz olur…

Sözlərimə gülürlər,

Paxıllıqdan ölürlər,

Amma yaxşı bilirlər 

Hər nə desəm düz olur…

Dr.İlhamə Müslümova