Seni

   Bəlkə də hamıyçün adi biriydin,

   Qoydum ürəyimin başına səni…

   Sən mənim eşqimin sınaq yeriydin, 

   Bürüdüm gözümün yaşına səni…

   Zaman öz hökmünü oxumuş idi, 

   Saçıma ağları  toxumuş idi,

   Ömrüm daha əcəl qoxumuş idi, 

   Yaz etdim ömrümün qışına səni…

   Sevinci üzümə yaraşdırmadın,

   O tərs inadının belin qırmadın, 

   Əziz hiss etmədin,  yaxın durmadın,

   Sən demə sevmişəm boşuna səni …

   Qəmini yükləndim, dərdini yedim, 

   Gətir,  qulağına əhdimi edim, 

   “ Qatilim olaraq yazsınlar, dedim, 

   Mənim məzarımın daşına səni “

   Dr.İlhamə Müslümova 🩺