A Dostum

     A dostum…

     Yaradan yaradıb atır dünyaya , 

     Nə qədər vaxtın var, demir, a dostum …

     Dünyanın ən yaxşı insanı olsan, 

     Yenə vəfasızdır ömür, a dostum …

     Özgə səmasında süzməkmi olur?

     Kədər dənizində üzməkmi olur? 

     Dostun zərbəsinə dözməkmi olur? 

     Gərək olasan daş, dəmir , a dostum …

     Bir gün həyatında mütləq yel əsir, 

     Hər şeyi almağa zaman tələsir…

     Bir gün də astaca ipini kəsir, 

     Səni diri- diri gömür, a dostum….

    Çatıbsa əcəlin, baxmırlar yaşa, 

    Deyirlər, müddətin çatıbdı başa,

    Yazıq Əzrayılı qarğama boşa , 

    Gəlir yuxarıdan  əmr,  a  dostum !

    Dr.İlhamə Müslümova