Adını qəlbimə yazandan bəri 

Ömrümü  bir qışa bağlamışam mən…

Sən demə səninlə gələn  ümidi 

Göyərməz bir daşa bağlamışam mən….

Eşqinlə möhnəti, dərdi atanda, 

Duama dönmüsən  gecə yatanda…

Dilək ağacına dilək  tutanda

Adını ən başa bağlamışam mən …

Sevgimçün sonadək əzm eləmişəm, 

Sənə hisslərimi nəzm eləmişəm, 

Bütün səhvlərini həzm eləmişəm, 

Onları gənc  yaşa bağlamışam mən …

Baxma gözəllikdə yüz  tayın olub , 

Sənin ürəyimdə öz payın olub…

Yalançı sevginə  arxayın olub, 

Gözlərimi qoşa bağlamışam mən…

İndi hər baxanda olub bitənə 

Görürəm cəhənnəm yaşatdın mənə….

Çox gec anlamışam….yolumu sənə 

Nahaqdan və  boşa bağlamışam mən….